Bolqarıstan futbol ittifaqının baş katibi ilə görüş

Azərbaycan uşaq və gənclər futbol federasiyasının prezidenti Asif Əliyev, Bolqarıstan futbol ittifaqının baş katibi Borislav Popovla görüşüb. Allsport.az saytı xəbər verir ki, söhbətdə 2 ölkə arasında diplomatik əlaqələrin qurulmasının 30 illiyi xatırlanıb, bu illər ərzində bütün sahələrdə o cümlədən idman, eləcə də futbol sahəsində əməkdaşlıq məsələləri qeyd olunub.

Həmçinin uşaq futbolunun inkişafı və idarə edilməsi, Bolqarıstan futbol akademiyasının inkişafı, strukturu, uşaq futbolunda məşqçilərin marifləndirilməsi, gələcəkdə azərbaycanlı məşqçilərinin kurslara cəlb edilməsi, uşaq futbol akademiyasında idarəetmə prinsipləri və iş prosesi kimi məsələlər barəsində fikir mübadiləsi aparılıb.