“Bu, karyeramın ən önəmli oyunudur”

Çempionlar liqasının əsas mərhələsinin VII turunun “Qarabağ” – “Ayntraxt” (Almaniya) oyunundan əvvəl Ağdam komandasının futbolçusu Pedro Bikalyonun iştirakı ilə mətbuat konfransı keçirilib. 

Allsport.az xəbər verir ki, braziliyalı yarımmüdafiəçi sabah baş tutacaq qarşılaşma haqda fikrini bildirib:

“Bizim üçün önəmli matçdır. Türkiyədə təlim-məşq toplanışımız oldu. İnanıram ki, sabahkı matçda istədiklərimizi həyata keçirə biləcəyik. Əminliklə deyə bilərəm ki, turnirin böyüklüyünü və oyunun vacibliyini nəzərə alsaq, böyük matçdır. Bu, karyeramın ən önəmli oyunudur”.