Qvardiola Moyesi keçdi

“Mançester Siti”nin baş məşqçisi Pep Qvardiola fevralın yekunlarına görə İngiltərə premyer liqasının ən yaxşısı seçilib.

Allsport.az xəbər verir ki, ispaniyalı mütəxəssis ötən ay komandası ilə çıxdığı 5 oyunda 4 qələbə və 1 heç-heçəyə imza ataraq 13 xal toplayıb.

Bu, onun karyerasında qazandığı 12-ci belə mükafatdır. Bununla da o, Devid Moyesi geridə qoyaraq turnir tarixində Aleks Ferqyuson (27) və Arsen Vengerdən (15) sonra 3-cü sıraya yüksəlib.