“Bunun üçün vaxtımız var”

Konfrans liqasının II mərhələsinin püşkü atılıb.

Allsport.az xəbər verir ki, “Araz-Naxçıvan” Yunanıstan “Aris”i ilə qarşılaşacaq.

Naxçıvan təmsilçisinin baş məşqçisi Elmar Baxşıyev püşkü dəyərləndirib: “Potensial rəqiblərimizin hamısı güclü komandalardır. Ümumiyyətlə, avrokuboklarda zəif-güclü rəqib axtarmaq yersizdir. Həm də burada rəqibi biz deyil, püşk seçir. İndiki məqamda əsas işimiz komandanı tez bir zamanda komplektləşdirmək, təlim-məşq toplanışına tam heyətlə çıxmaq və oyunlara yaxşı hazırlaşmaqdır. Rəqibi hələ analiz etməmişik. Püşk indi atıldı. Onları analiz etmək, zəif və güclü tərəflərini öyrənmək üçün zamanımız var”.

Oyunlar iyulun 24-də və 31-də keçiriləcək.