Busketsdən qeyri-adi göstərici

“İnter Mayami”nin yarımmüdafiəçisi Serxio Buskets MLS-in “Çinçinnati” ilə görüşündə qırmızı vərəqə alıb.

Allsport.az xəbər verir ki, ispaniyalı futbolçu 15 saniyədə iki sarı vərəqə alaraq, meydanı 63-cü dəqiqədə tərk edib. O, baş hakimlə mübahisə etdiyi üçün cəzalandırılıb.

Qarşılaşma “İnter Mayami”nin 1:6 hesablı məğlubiyyəti ilə başa çatıb. Bu nəticə Florida klubunun tarixində ən böyük fiasko olub.