“Çelsi” məşhur qapıçı ilə maraqlanır

“Milan”la Mayk Menyanla bağlı danışıqların nəticəsiz qalmasından sonra “Çelsi” yeni qapıçı axtarışlarını davam etdirir.

Allsport.az xəbər verir ki, London təmsilçisi “Barselona”dan “Mançester Yunayted”in də maraqlandığı qapıçı Mark-Andre ter Ştegenlə bağlı məlumat istəyib.

Əvvəllər ter Ştegenin “Barselona”nın baş məşqçisi Hans-Diter Fliklə konflikt yaşadığı bildirilirdi. 33 yaşlı qolkiper “Espanyol”dan Xoan Qarsiyanın transferindən də narazı qalıb.

Ter Ştegen zədə səbəbindən ötən mövsümün çox hissəsini buraxmışdı. O, bütün yarışlarda 9 oyunda iştirak edib, 11 qol buraxıb.