“Çox vacib və çətin qələbə oldu”

“Turan Tovuz” premyer liqanın XXV turunda “Qəbələ”ni məğlub edib – 3:2.

Allsport.az xəbər verir ki, görüşdən sonra qərb təmsilçisinin baş məşqçisi Qurban Berdıyevin mətbuat konfransı keçirilib:

“Çətin oyun və çətin qələbə oldu. Oyuna yaxşı başlamışdıq. Birinci hissənin ikinci yarısından etibarən təşəbbüsü rəqibə verdik. İkinci hissəni bütövlükdə yaxşı oynadıq. Hesabı bir qədər də artıra bilərdik. Çox vacib və çətin qələbə oldu”.