Dünya çempionu karyerasını bitirir

“Komo”nun qapıçısı Pepe Reyna mövsümün sonunda karyerasını bitirəcək.

Allsport.az xəbər verir ki, 42 yaşlı qapıçı bu barədə “Movistar”a açıqlamasında deyib:

“Möhtəşəm karyeram sona çatmaq üzrədir. Yaşadığım şeylərə baxanda sevinc hiss keçirirəm.

Karyeramın bu qədər uzun illər davam edəcəyini gözləməzdim. Məncə, artıq vaxtım yetişib”.

Reyna İspaniya yığması ilə iki dəfə Avropa, bir dəfə isə dünya çempionu olub. O, “Liverpul”, “Vilyarreal”, “Bavariya”, “Napoli”, “Barselona”, “Milan”, “Latsio” və “Aston Villa” kimi klublarda oynayıb.