“Əl-Hilal” superkubokdan imtina etdi

“Əl-Hilal” Səudiyyə Ərəbistanı superkubokunda iştirak etməyəcək.

Allsport.az xəbər verir ki, Ər-Riyad təmsilçisi bu qərarı klublararası dünya çempionatında iştirak etdiyi üçün qəbul edib.

İmtinaya səbəb futbolçuların yeni mövsümə qədər hazırlığını təmin etmək istəyi olub. Mundialın 1/4 finalına yüksələn “Əl-Hilal”ın qərarına futbolçuların müqavilələrində illik 28 gün məzuniyyət nəzərdə tutulduğu halda, ABŞ-dən Səudiyyə Ərəbistanına uçuşun gecikməsi də təsir edib.

Səudiyyə Ərəbistanı superkuboku avqustun 19-da keçiriləcək. Turnirdə “Əl-İttihad”, “Əl-Nəsr”, “Əl-Qadisiya” və “Əl-Əhli” komandaları mübarizə aparacaq. “Əl-Hilal” bundan əvvəlki iki mövsümdə kubokun sahibi olub.