İlin son oyunu “NTD-İndiqo”nun darmadağını ilə yekunlaşdı

24 dekabr Şəki olimpiya idman kompleksində Azərbaycan basketbol liqasının (ABL) 9 -cu turunun və ilin son oyunu baş tutub.

Allsport.az xəbər verir ki, “Şəki” yerli publika önündə, çempionatın liderlərindən sayılan “NTD-İndiqo” klubunu qəbul edib. Görüşün ilk dəqiqələrindən üstünlüyü ələ keçirən Xaçmaz təmsilçisi, yekunda 120-54 hesablı qələbə qazanıb.

Bu qələbə ilə “NTD-İndiqo”, 17 xalla qış fasiləsinə şərikli lider kimi yollanıb. Ən məhsuldar basketbolçular: “Şəki” (Pol Dibal – 21 xal, 9 götürmə), “NTD-İndiqo” (Brendon Yanqer – 28 xal, 4 ötürmə)