İlk rəsmi oyun, ilk qələbə, ilk qol

Premyer Liqanın ilk turunda “Sumqayıt”la görüş “Sabah”ın bir neçə futbolçusu üçün əlamətdar olub. Allsport.az saytı xəbər verir ki, yeni transferlər – Anatoli Nuriyev, Abdulaye Ba, Con İrasabal, Tellur Mütəllimov, Namiq Ələskərov, Emmanuel Apeh və Davit Volkov ilk rəsmi oyunlarını keçiriblər.

Adı ilk çəkilən futbolçu həm də, “ağ-göylər”in heyətində ilk rəsmi matçında ilk qolunu vurub. Kristian Sebalyosun görüşdə son nöqtəni qoyduğu an isə, premyer liqa tarixinin yubiley – 13000-ci topu olub.

Oyun “Sabah”ın 3:0 hesablı qələbəsi ilə başa çatıb.