İlkin Qırtımov “Qəbələ”də

“Qəbələ” mövsümlərarası fasilədə ilk transferini edib. Allsport.az saytı xəbər verir ki, “qırmızı-qaralar” İlkin Qırtımovu heyətinə qatıb. 32 yaşlı müdafiəçi ilə 1 illik müqavilə imzalanıb.

Onun son klubu “Şamaxı” olub. Premyer liqada “Simurq” (2009-2015), “Neftçi” (2018) və “Zirə”də (2018-2019) çıxış edib.

İlkin Azərbaycan millisində də çıxış edib. Yığmada 2014-cü ildə debüt edən müdafiəçi 5 matç keçirib.