“İnter” onu “Dinamo”dan transfer etdi

“İnter” Zaqreb “Dinamo”sunun mərkəz müdafiəçisi Leon Yakiroviçin transferini açıqlayıb.

Allsport.az xəbər verir ki, Milan təmsilçisi 18 yaşlı xorvatiyalı futbolçu ilə uzunmüddətli müqavilə imzalayıb. Xorvatiyanın gənclərdən ibarət (U-18) milli komandasının üzvü olan Yakiroviç ilkin mərhələdə “İnter”in 23 yaşadək futbolçulardan ibarət komandasında çıxış edəcək.

Klub rəhbərliyi gənc müdafiəçini gələcəkdə əsas komandanın aparıcı üzvlərindən biri kimi yetişdirməyi planlaşdırır.