“İnter”lə “Qəbələ”nin Avroliqadakı cavab oyunları eyni saatda

Avropa Liqasındakı təmsilçilərimizin – “İnter”lə “Qəbələ”nin müvafiq olaraq İspaniya “Atletik”i və Kipr “Apollon”u ilə cavab oyunlarının başlama saatları müəyyənləşib. Allsport.az xəbər verir ki, təmsilçilərimiz ikinci təsnifat mərhələsində olduğu kimi, yenə də ev oyunlarına eyni saatda çıxacaqlar.

Belə ki, “Qəbələ” – “Apollon” və “İnter” – “Atletik” qarşılaşmaları saat 21:00-da start götürəcək. “Qəbələ” kiprliləri yenə “Bakcell Arena”da, “İnter” ispanları “İnter Arena”da qəbul edəcək. Hər iki oyun avqustun 6-da keçiriləcək.

Qeyd edək ki, bu komandalar arasındakı ilk oyunlar iyulun 30-na təsadüf edəcək. “Apollon” – “Qəbələ” matçı Bakı vaxtı ilə saat 22:00-da Larnakada, “Atletik” – “İnter” görüşü isə 23:45-də Bilbaoda keçiriləcək.