Elxan Məmmədovun futbolçusu 55 dəqiqə oynadı, “Eybar” ilk oyunda darmadağın oldu

Futbol üzrə İspaniya Kubokunda 1/16 final mərhələsinin ilk oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası – “Eybar” da növbəti matçına çıxıb.

Sözügedən komanda səfərdə “Ponferradina” ilə qarşılaşıb. Matç “Eybar”ın 0:3 hesablı məğlubiyyəti ilə başa çatıb. Start heyətdə meydana çıxmış İsrafilov matçın 55-ci dəqiqəsində, hesab 0:3 olarkən əvəzlənib.

Qeyd edək ki, bu komandalar arasındakı cavab görüşü dekabrın 15-də “Eybar”ın meydanında keçiriləcək.