“Kəpəz” Gürcüstan və Türkiyə klubları ilə qarşılaşacaq

Türkiyədə təlim-məşq toplanışında olan “Kəpəz”in yoxlama oyunu keçirəcəyi növbəti rəqibləri müəyyənləşib. Allsport.az xəbər verir ki, Ərzurumda hazırlıq keçən Gəncə təmsilçisi Gürcüstan və Türkiyə klubları ilə qarşılaşacaq.

Şahin Diniyevin komandası öncə iyulun 23-də Gürcüstanın “Şukura” klubu ilə münasibətlərinə aydınlıq gətirəcək. Ayın 25-də isə Türkiyənin “Göztəpə” komandası ilə sınaq matçı baş tutacaq.

Qeyd edək ki, “Kəpəz” Türkiyədəki ilk yoxlama oyununda yerli “1461 Trabzon” klubuna 1:0 hesabıyla qalib gəlmişdi.