“Kəpəz”lə oyuna itki ilə hazırlaşır

“Sumqayıt” istirahətin ardından “Kəpəz” ilə oyunun hazırlığına başlayıb. Allsport.az saytı xəbər verir ki, komanda Samir Abbasovun rəhbərliyi altında doğma stadionda məşqə çıxıb.

Zədəsi olan Rəşad Eyyubov çalışmada iştirak etməyib. Hazırlıq ərzində müxtəlif toplu çalışmalar edilib. Məşq ikitərəfli oyunla yekunlaşıb.

Qeyd edək ki, “Kəpəz” – “Sumqayıt” qarşılaşması mayın 4-də Gəncə şəhər stadionunda keçiriləcək. Saat 16:00-da başlayacaq matç CBC Sport telekanalı ilə canlı yayımlanacaq.