Keyn qalır, ya gedir?

“Bavariya” ulduz hücumçusu Harri Keyn ilə müqaviləni yeniləməyə yaxındır.

Allsport.az xəbər verir ki, tərəflər 2029-cu ilin yayına qədər nəzərdə tutulan yeni sözləşmə üzrə danışıqların son mərhələsindədir.

32 yaşlı ingilis forvard özü də yanvarın 4-də azarkeşlərlə görüşündə Münhendə qalmaqda tam maraqlı olduğunu bildirib.

Klub rəhbərliyi həmçinin Keynin müqaviləsindəki 65 milyon avroluq sərbəstqalma bəndini ləğv edərək, onun premyer liqaya mümkün qayıdış ehtimallarını tamamilə aradan qaldırmaq niyyətindədir.