Forgot Password New Account

Klublar komitəsində nələr müzakirə olunub?

Futbol
1 may 2018 / 15:57 Baxış sayı: 707

Bu gün “Bulvar otel”də AFFA-nın klublar komitəsini növbəti iclası keçirilib. Allsport.az saytı xəbər verir ki, toplantıda baş katib Elxan Məmmədov və Topaz premyer liqasında mübarizə aparan klubların nümayəndələri iştirak edib. Klub futbolu ilə bağlı aktual məsələlərin müzakirə olunduğu iclasda Elxan Məmmədov bildirib ki, komitənin daha öncəki toplantılarında aparılmış müzakirələrə əsasən və Topaz premyer liqasında çıxış edən futbolçuların ətraflı statistik göstəricilərinin əhəmiyyətini, həmçinin əksər klubların daha əvvəl də “İnstat” şirkəti ilə əməkdaşlığını nəzərə alaraq Azərbaycan Futbol Federasiyaları Assosiyasiyası danışıqlardan sonra bu şirkətlə iki illik müqavilə imzalayıb.

Müqaviləyə əsasən, “İnstat” şirkəti növbəti iki mövsüm ərzində bütün milli komandaları, premyer liqa klublarını və AFFA-nın gənclər liqasını oyunların hesabatı, videoanaliz, statistika, fitness və s. göstəricilərlə təmin edəcək. AFFA layihənin bütün xərclərinin ödənilməsini öz üzərinə götürüb.

Bundan əlavə, baş katib bildirib ki, klublar dəfələrlə top təminatı ilə bağlı sərfəli təkliflərin araşdırılması, bu məsələ ilə bağlı sponsor tapılması barədə məsələ qaldırıb, AFFA-ya müraciətlər olunub. Bunu nəzərə alaraq, AFFA klublar üçün münasib olacaq müxtəlif variantları nəzərdən keçirib və “Nayk”dan müsbət cavab alıb. Şirkəti ilə AFFA arasında mövcud olan müqaviləyə uyğun olaraq, şirkət tərəfindən assosiasiyaya hazırda Avropanın bir sıra aparıcı futbol çempionatlarında istifadə olunan seriyaya aid toplar veriləcək və AFFA növbəti mövsüm üçün həmin toplardan ödənişsiz olaraq  Topaz premyer liqası klublarına təqdim edəcək.

Həmin kateqoriyadan