Levandovski “Barselona”dan gedir?

“Barselona”nın hücumçusu Robert Levandovski Səudiyyə Ərəbistanından olan komandaların maraq dairəsindədir.

Allsport.az xəbər verir ki, bu ölkənin bir neçə klubu 36 yaşlı futbolçunu izləyir və onun bu yay keçməyə hazır olub-olmadığını öyrənmək üçün ətrafı ilə əlaqə saxlayıb.

Polşalı oyunçunun karyerasını “Barsa”da davam etdirmək istədiyi bildirilir, lakin sərfəli təklif gələrsə, klub onu sata bilər.

2024/25 mövsümündə Levandovski İspaniya çempionatında 34 oyun keçirib, 27 qol vurub və 2 məhsuldar ötürmə edib.