- Baxış sayı: 35
- 06 Sentyabr 2024 13:48
- Baxış sayı: 49
- Sentyabr 07, 2024
- 0
Kişi şahmatçılar arasında Azərbaycan çempionatında 7-ci turun partiyaları oynanılıb.
Allsport.az xəbər verir ki, yarışın lideri qara fiqurlarla mübarizə aparan Məhəmməd Muradlı Vüqar Rəsulovla heç-heçə oynayıb.
Ağ fiqurlarla gücünü yoxlayan Xəzər Babazadə reytinq favorit Aydın Süleymanlıya qalib gəlib. Misrətdin İsgəndərov Ülvi Sadıxovla, Read Səmədov Vüqar Manafovla, Süleyman Süleymanlı isə Murad İbrahimliylə xalı yarı bölüb. Ürfan Sevdimalıyev Rüstəm Rüstəmovla bərabərə qalıb.
Hesabat turunda Namiq Quliyev ağ fiqurlarla çıxış edən Toğrul Həsənzadəyə uduzub. Abdulla Qədimbəyli və Allahverdi Həmidov müvafiq olaraq Şiroğlan Talıbovla Xaqan Əhmədə qalib gəlib.
7 turdan sonra 5,5 xala malik Məhəmməd Muradlı birinci pillədə qərarlaşıb. Liderdən 1 xal geri qalan Xəzər Babazadə, Aydın Süleymanlı, Vüqar Rəsulov müvafiq olaraq 2-4-cü yerləri bölüşür. İlk dördlüyə yaxın olan Misrətdin İsgəndərov, Vüqar Manafov, Read Səmədov, Abdulla Qədimbəyli, Toğrul Həsənzadə və Ülvi Sadıxovun 4 xalı var.
Reqlamentə əsasən, 9 turdan sonra ilk dörd yeri tutan şahmatçılar yarımfinalda mübarizəni davam etdirəcək.
Qeyd edək ki, Azərbaycan çempionatının mükafat fondu artırılaraq 30 min manata çatdırılıb. Yarışın qalibi medal, diplomla təltif olunacaq və 12 min manat əldə edəcək.