Məhəmmədəlidən 3-cü yer

Yunanıstanın Saloniki şəhərində yeniyetmə ağırlıqqaldıranların Avropa birinciliyi sona yaxınlaşır. Allsport.az saytı xəbər verir ki, bu gün daha bir idmançımız mübarizəyə qoşulub.

15 yaşlılarda 96 kq-da çıxış edən Məhəmmədəli Məmmədzadə birdən qaldırmada 120 kq-ı ram edib və bu hərəkətdə kiçik bürünc medala yiyələnib.

“Göyəzən” ağırlıqqaldırma klubunun təmsilçisi təkanla qaldırmada 146 kq-ı başı üzərinə qaldıraraq, gümüş medala sahib çıxıb.

Toplam 266 kq (120+146) nəticə ilə yekun sıralamada bürünc medal qazanıb.