Məşhur futbolçu karyerasını bitirdi

37 yaşlı ingilis yarımmüdafiəçi Adam Lallana peşəkar futboldan getdiyini açıqlayıb.

Allsport.az xəbər verir ki, Lallana 2000-ci ildə sisteminə qoşulduğu “Sauthempton”un yetirməsidir. O, 2006-cı ildə əsas komandada debüt edib.

2014-cü ildə Lallana “Liverpul”a keçdi. “Qırmızılar”la İngiltərə çempionu olmaqla yanaşı, həm də çempionlar liqası, UEFA superkuboku və klublararası dünya kubokunun qalibi olub.

2020-ci ildə Lallana keçən ilin iyun ayına qədər oynadığı “Brayton”a qoşuldu, sonra isə doğma “Sauthempton”a qayıtdı.

Lallana İngiltərə millisinin heyətində 34 oyun keçirib və 3 qol vurub.