Məşhur futbolçu karyerasını bitirdi

Argentina millisinin sabiq yarımmüdafiəçisi Erik Lamela 33 yaşında karyerasını başa vurduğunu açıqlayıb.

Allsportaz xəbər verir ki, onun son klubu AEK Afina olub.

Cinah oyunçusu ötən mövsüm 31 oyuna çıxıb, 6 qol vurub və 3 məhsuldar ötürmə edib. İndi Lamela İspaniyanın “Sevilya”sında argentinalı Matias Almeydanın məşqçilər korpusuna qoşulacaq. Yeri gəlmişkən, Erik də Əndəlus klubunda – 2021-ci ildən 2024-cü ilə kimi çıxış edib.

Lamela karyerası ərzində AEK və “Sevilya”dan başqa “River Pleyt”, “Roma” və “Tottenhem”də çıxış edib.

“Sevilya” ilə Erik 2023-cü ildə Avropa liqasının qalibi olub. Argentina millisində 25 oyun keçirib və 3 qol vurub.