Məşqçilərimiz üçün Pro lisenziyalı seminar

3-6 apreldə İsveçrənin Nyon şəhərində məşqçilər üçün “UEFA Pro licence Student exchange” adlı seminar keçiriləcək. Allsport.az saytı xəbər verir ki, qurumun mənzil-qərargahında təşkil olunacaq toplantıda Azərbaycan, Finlandiya, Serbiya və Ukraynadan olan məşqçilər iştirak edəcək.

AFFA-nın texniki direktoru Bernhard Lippertin başçılıq edəcəyi nümayəndə heyəti hazırda PRO kurslarında təhsil alan adları aşağıda göstərilmiş məşqçilərdən ibarət olacaq:

Mick Bennett, Elşad Əhmədov, Baba Əsgərov, Siyasət Əsgərov, Zaur Həşimov, Vüqar Məmməd, Ramin Quliyev, Mahmud Qurbanov, Elçin Rəhmanov, Samir Abbasov və Rəşad Sadıqov.