“Marsel” – “Qarabağ” görüşü kimə tapşırıldı?

Konfrans liqasının 1/16 finalında “Marsel” – “Qarabağ” matçının hakimləri müəyyənləşib. Allsport.az saytı xəbər verir ki, görüşü Nikola Dabanoviçin rəhbərlik etdiyi monteneqrolu hakimlər briqadası idarə edəcək.

Ona Milovan Cukiç, Vladan Todoroviç (yan xətt) və Miloş Boşkoviç (4-cü hakim) kömək göstərəcəklər.

Fevralın 17-də Fransada matç yerli vaxtla saat 21.00-da (Bakı vaxtı ilə saat 00:00) başlayacaq. Cavab görüşü fevralın 24-də Bakıda olacaq.