Mbappedən aldığı “hədiyyə”yə görə cəzalandı

Fransa millisinin təhlükəsizlik zabiti, “Momo” ləqəbli polis komandiri Kilian Mbappedən 60 min avro hədiyyə aldığı üçün vaxtından əvvəl təqaüdə göndərilib.

Allsport.az xəbər verir ki, polis rəhbərliyi bu ödənişi peşə etikasının pozulması kimi qiymətləndirib. Mbappenin tərəfi isə pulun qanuni “hədiyyə” olduğunu bildirib.

Cəzaya baxmayaraq, Didye Deşam zabiti komandada saxlayıb. O, DÇ-2026-nın sonuna qədər millinin təhlükəsizliyinə cavabdehlik daşıyacaq.