Messi üçün bunu da etdilər

“İnter Mayami” klubu dünya futbolunda nadir addım ataraq, yeni inşa edilən “Nu Stadium”un şərq tribunasını kapitanı Lionel Messinin şərəfinə adlandırıb.

Allsport.az xəbər verir ki, “Leo Messi” tribunu aprelin 4-də “Ostin”ə qarşı keçiriləcək açılış oyununda istifadəyə veriləcək. Klubun bəyanatında bildirilir ki, adətən bu növ təltiflər oyunçu karyerasını bitirdikdən sonra edilsə də, Messinin hazırkı təsiri bu ənənəni pozmağa əsas verib.

2023-cü ildən Mayami klubunda çıxış edən 38 yaşlı ulduz keçirdiyi 94 matçda 82 qol və 53 məhsuldar ötürmə ilə klub tarixinin ən yaxşı göstəricisinə imza atıb. Onun komanda ilə müqaviləsi 2028-ci ilə qədərdir.