Millimizin futbolçuları Türkiyə prezidenti ilə görüşüblər

Türkiyə prezidenti Rəcəb Tayyib Ərdoğan qadınlardan ibarət “Yüksəkovaspor” komandasını qəbul edib.

Allsport.az saytı xəbər verir ki, görüşdə bu komandada çıxış edən Azərbaycan millisinin futbolçuları Vüsalə Seyfəddinova, Vüsalə Hacıyeva, Jalə Məhsimova və Aytac Şərifova da iştirak ediblər.

Kluba yeni transfer olunan Sevinc Cəfərzadə isə heyətə gec qoşulduğu üçün görüşə qatıla bilməyib.

“Yüksəkovaspor” ötən mövsüm 1-ci liqanın qalibi kimi superliqaya yüksəlib.