Millimizin futbolçusu oynadı, komandası səfərdən 1 xalla döndü

Almaniya ikinci Bundesliqasında 13-cü turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Dmitri Nazarovun komandası – “Karlsrue” də növbəti matçına çıxıb.

Sözügedən klub səfərdə “Nürnberq”lə qarşılaşıb. Matç 0:0 hesabı ilə başa çatıb. Start heyətdə meydana çıxan Nazarov 83-cü dəqiqədə əvəzlənib.

Qeyd edək ki, “Karlsrue” hazırda 16 xalla 11-ci pillədə qərarlaşıb.