Mini-futbol millimiz ilk dəfə Avropa çempionu oldu!

Bu gün Slovakiyanın Koşitse şəhərində mini-futbol üzrə Avropa çempionatı sona yetib. Allsport.az saytı xəbər verir ki, finalda Azərbaycan və Rumıniya milliləri üz-üzə gəlib.

Yarış boyu üstün oyun nümayiş etdirən, həlledici görüşədək 2 çempionu məyus edən Elşad Quliyevin komandası, növbəti qızıl medalçını da yenib. Bizdən yeganə qolu 25-ci dəqiqədə Seymur Məmmədov vurub.

Maraqlıdır ki, seçməmiz “B” qrupunda ilk oyununda bu komandaya 0:2 uduzmuşdu.