- Baxış sayı: 30
- 07 Sentyabr 2024 21:06
- Baxış sayı: 50
- Sentyabr 07, 2024
- 0
Bu gün “Neftçi”nin futbolçusu Soni Mustivarın 30 yaşı tamam olur. 1990-cı ildə dünyaya gəlmiş haitili yarımmüdafiəçi 2017/2018 mövsümündən çıxış etdiyi “ağ-qaralar”da 54 oyun keçirib, 3 qol vurub.
Allsport.az xəbər verir ki, klubun saytı “Neftçi” ailəsi adından futbolçunu təbrik edib.
– Doğum gününüz mübarək, Soni! Özünüzü 30 yaşda necə hiss edirsiniz?
– Təbrikinizə görə sağ olun. Özümü gənc hiss edirəm (gülür).
– Həyatınızda ən gözlənilməz hədiyyə hansı olub?
– Ən gözlənilməz hədiyyəni mən bir neçə il əvvəl almışdım. Neçənci il olduğu yadımda deyil, amma hədiyyə “Nintendo 64” oyun konsolu idi.
– Bu günü necə keçirəcəksiniz?
– Doğum günümü həyat yoldaşım və dostlarımla qeyd edəcəm. Qeyri-adi bir şey olmayacaq.
– Artıq bir neçə ildir ki, “Neftçi”dəsiniz. Bu klub sizin üçün nə məna daşıyır?
– “Neftçi” sevgi, emosiya, ehtiras deməkdir.
– Bu mövsüm bir oyunda hətta komandanın kapitanı qismində oynamısınız.
– Bəli və buna görə qurur duyuram. Mənim üçün komandanın hər bir oyunçusu kapitandır. Biz “Neftçi”ni layiqli şəkildə təmsil etməliyik.
– Həftəsonu “Keşlə”yə qarşı keçiriləcək oyun ərəfəsində azarkeşlərə nə deyə bilərsiniz?
– Arzum odur ki, oyuna gəlsinlər. Nə qədər çox olsalar, o qədər də biz güclü olacağıq. Qələbəni bir yerdə yaşayaq!