Naxçıvan təmsilçisində iki sözləşmə

“Araz-Naxçıvan” iki futbolçusu ilə yeni müqavilə imzalayıb.

Allsport.az xəbər verir ki, anlaşmaya əsasən, Kristian Avram və İssuf Paro növbəti mövsümdə də “Araz-Naxçıvan”ın formasını geyinəcəklər. Qapıçı ilə 1, müdafiəçi ilə 1+1 il müddətinə razılıq əldə olunub.

Hazırda Moldova millisinin düşərgəsində olan Kristian Avram 2023-cü, İssuf Paro isə 2024-cü ildən “qırmızı-ağlar”ın heyətində yer alıb.