“Neftçi” ilk yoxlama görüşündə “Kayrat”ı darmadağın edib

Birləşmiş Ərəb Əmirliklərinin paytaxtı Əbu Dabidə təlim-məşq toplanışında “Neftçi” ilk yoxlama oyununa çıxıb. Allsport.az saytı xəbər verir ki, “ağ-qaralar” Qazaxıstanın son çempionu “Kayrat” ilə qarşılaşıb.

Görüş Azərbaycan təmsilçisinin 3:0 hesablı qələbəsi ilə yekunlaşıb. Qolları Ağadadaş Salyanski, Vensan Abubakar və Murad Məmmədov vurublar.

Rəqib bu mövsüm ilk dəfə çempionlar liqasının əsas mərhələsinə vəsiqə qazanıb.

“Neftçi” hazırlıq çərçivəsində daha 2 oyun keçirəcək. Bakı klubu yanvarın 13-də “Piramids” (Misir), 16-da isə “Çendu Ronqçenq” (Çin) klubları ilə qarşılaşacaq.