“Neftçi” kubokun qalibidir!

“Sərhədçi” idman mərkəzində basketbol üzrə Azərbaycan kubokunun final oyunu baş tutub.

Allsport.az xəbər verir ki, dolu tribunalar qarşısında keçirilən “Neftçi” – “Xəzri” klublarının oyununda, görüşə “Xəzri” üstün başlayıb və hesabda 10 xal fərqi ilə üstünlük yaxalayıb. Lakin sonradan geridönüş etməyi bacaran “Neftçi”, yekunda 65-61 hesablı qələbə qazanaraq, kubokun sahibi olub.

Finalın ən dəyərli oyunçusu (MVP) “Neftçi” dən Ulaş Turqut seçilib. Ən məhsuldar basketbolçular: “Neftçi” (Ulaş Turqut – 15 xal, 8 götürmə), “Xəzri” (Cordan Perkins – 15 xal, 13 ötürmə).