“Neftçi”də ən çox oyun keçirmiş İqor Getman 47 yaşını qeyd edir

Bu gün “Neftçi”nin veteran futbolçusu İqor Getmanın doğum günüdür. Allsport.az saytı xəbər verir ki, o, 1971-ci ildə dünyaya gəlib. Müdafiəçi 1991-1992, 1998-2007-ci illər ərzində “Neftçi”nin heyətində 236 oyun keçirib, 7 qol vurub.

“Aş-qaralar”da Azərbaycan çempionatının (1992, 2004, 2005), ölkə kubokunun (1999, 2004) qalibi olmuş futbolçu müstəqillik dönəmində komandamızda ən çox oyun keçirmiş futbolçudur.

O, 1995-2001-ci illər ərzində millidə 24 oyun keçirib. İqor Getman əsas komandada məşqçi, əvəzedici heyətdə isə baş məşqçi vəzifələrində çalışıb.