“Neftçi”də 2 yeni müdafiəçi

“Neftçi” – millinin üzvü Elvin Bədəlovu transfer edib. Allsport.az saytı xəbər verir ki, 30 yaşlı müdafiəçi ilə 2-illik müqavilə bağlanıb.

Rusiyanın “Zenit” (Sankt-Peterburq) klubunun yetirməsi olan futbolçu 2014-2017-ci illərdə də “ağ-qaralar” şərəfini qoruyub. Sonuncu klubu “Sumqayıt”da (2019-2025) baş məşqçi Samir Abbasovun rəhbərliyi ilə çıxış edib. O, millidə 10 görüş keçirib.

Bu arada bayraqdar daha bir futbolçunun keçidini rəsmiləşdirib. Murad Xaçayevlə də 2-illik anlaşılıb. 27 yaşlı müdafiəçi Donetsk “Şaxtyor”unun yetirməsidir. Sonuncu klubu “Sumqayıt” (2019-2025) olub. Millinin heyətində 1 oyun keçirib.