“Neftçi”dən ayrıldı, “Apollon”a keçdi

“Neftçi”dən ayrılan Baqali Dabonun yeni klubu müəyyənləşib. Allsport.az xəbər verir ki, fransalı hücumçu karyerasını Kiprin “Apollon” klubunda davam etdirəcək.

31 yaşlı futbolçu ilə 2022-ci ilin mayına qədər müqavilə imzalanıb. Dabo yeni klubunda 11 nömrəli forma altında çıxış edəcək.

Hücumçu 2018-ci ildə “Qəbələ”dən “Neftçi”yə keçmişdi. Dabo Azərbaycan çempionatında keçirdiyi 83 oyunda 41 qol vurub, 9 məhsuldar ötürmə edib.