“O, “Çelsi”də möhtəşəm işlər görüb”

“Arsenal”ın baş məşqçisi Mikel Arteta yanvarın 1-də “Çelsi”dən qovulan həmkarı Enso Mareskanın gedişinə münasibət bildirərək, italiyalı mütəxəssisin fəaliyyətini yüksək qiymətləndirib.

Allsport.az xəbər verir ki, londonluların rəsmi saytına danışan Arteta həmkarı haqqında xoş sözlər deyib: “Ona hər şeyin ən yaxşısını arzulayıram. Bir insan və peşəkar kimi Ensonu çox bəyənirəm, hesab edirəm ki, o, “Çelsi”də möhtəşəm işlər görüb”.

Hazırda 45 xalla premyer liqanın lideri olan “Arsenal”dan fərqli olaraq, 19 oyundan sonra 30 xalı olan “Çelsi” turnir cədvəlində beşinci pillədə qərarlaşıb.