“Onun potensialı çox yüksəkdir”

“Ağır qələbəyə görə çox sevinirəm”.

Allsport.az xəbər verir ki, bunu “Turan Tovuz”un baş məşqçisi Qurban Berdıyev “Neftçi”ni səfərdə 1:0 hesabı ilə məğlub etdikləri Azərbaycan premyer liqasının III tur oyunundan sonra keçirilən mətbuat konfransında deyib.

O, “Neftçi” bu il çox yaxşı komanda formalaşdırdığını bildirib: “Heyətini gücləndirib. Heyətlər bərabər olduqda hər iki komandanın üstün olduğu məqamlar oldu. İbrahima Vəci komanda ilə təlim-məşq toplanışında iştirak etməyib. Ona görə də yavaş-yavaş formasını bərpa edir. Onun potensialı çox yüksəkdir. Ümid edirik daha da yaxşı olacaq. Bu gün də oyuna pis qoşulmadı”.