Orxan Əliyev: Dünya birinciliyində 7-8 qızıl medal hədəfləmişik

“Ötən il yeniyetmə və gənclərin Avropa çempionatı bizim üçün uğurlu olmuşdu. Monteneqroda 17 medal qazanmışdıq. Bunlardan 5-i qızıl, 5-i gümüş və 7-si bürünc medal idi. 3-8 oktyabrda İtaliyanın Yezolo şəhərində keçiriləcək uşaq, yeniyetmə və gənclərin dünya çempionatına 47 nəfərlik heyətlə yola düşülüb. Bunlardan 38-i idmançı, 6-sı məşqçi, 1-i hakim, 1-i vitse-prezident və 1-i baş katibdir”.

Allsport.az saytı xəbər verir ki, bunu kikboks federasiyasının prezidenti Orxan Əliyev deyib. O, dünya çempionatında medal gözlədiyi idmançıların adlarını açıqlayıb: “İnşallah, bu il nəticəni daha yaxşılaşdırıb, ən azı 7-8 qızıl medal qazanmağı hədəfləmişik. Medal gözlədiyimiz idmançılar sonuncu İslam həmrəyliyi oyunlarının mükafatçısı Amil Məmmədov, həmin yarışın iştirakçısı Mahmud Hüseynov, gənclər arasında dünya və Avropa çempionu Amin Quliyev, Elvin Məmmədov, Ramal Zeynallı, Vüqar Məmmədov, Sübhan Məmmədov, Nicat Ələkbərli və Elnur Mustafayevdir. Onlar gənc olsalar da, artıq təcrübəli idmançılardır”.

AKF prezidenti noyabrda Antalyada keçiriləcək böyüklərin Avropa çempionatı ilə bağlı da fikirlərini bildirib: “Ora da tam heyətlə getməyi düşünürük. Artıq Azərbaycan yığması ilk “3-lük”də yer alır. İnanıram ki, Avropa çempionatında da yeni çempionların adlarını eşidəcəyik. Yığma komandada təcrübəli dünya ve Avropa çempionları ile yanaşı, artıq illərdir millinin şərəfini qoruyan idmançılarımız var.

Bunlardan Elxan Əliyev Avropa ikincisi və İslamiadanın bürünc medalçısı olub. Ondan bu il qızıl medal gözləyirem. Camal Məmmədov da illərdir dünya ve Avropa çempionatlarında gümüş medal qazanır. Onun bu dəfə medalın əyarını qızıla çevirəcəyinə inanıram. Gənclər arasında dünya və Avropa çempionu, perspektivli idmançılardan olan Məhəmməd İmanovdan da böyüklər arasında qızıl medal gözləyirəm”.

Həmin kateqoriyadan

AzerbaijaniEnglishRussianTurkish