Ötən mövsümün bombardiri satıldı

“Tottenhem”in oyunçusu Brennan Conson “Kristal Pəlas”a keçib.

Allsport.az xəbər verir ki, “qartallar” uelsli hücumçu ilə dörd il yarımlıq müqavilə imzalayıb.

24 yaşlı futbolçunun transferi “Kristal Pəlas”a 35 milyon funt sterlinqə başa gəlib.

Keçən mövsüm Conson bütün yarışlarda 18 qol və yeddi məhsuldar ötürmə ilə “Tottenhem”in ən çox qol vuran oyunçusu olub. Bu mövsüm o, premyer liqada 16 oyunda iki qol vurub.