Paketanın transferi rekord vuracaq

“Vest Hem”in və Braziliya millisinin yarımmüdafiəçisi Lukas Paketa karyerasını vətənində davam etdirəcək.

Allsport.az xəbər verir ki, “Flamenqo” 28 yaşlı futbolçunun transferi üçün London klubu ilə 35,8 milyon funt-sterlinq (təxminən 41 milyon avro) qarşılığında razılığa gəlib.

Bu məbləğ Paketanı Braziliya çempionatı tarixinə ən baha qiymətə transfer edilən oyunçu kimi salıb.

Paketa 2022-ci ildə “Lion”dan “Vest Hem”ə 42,95 milyon avroya keçmişdi. O, paytaxt təmsilçisinin heyətində keçirdiyi 139 oyunda 23 qol və 15 məhsuldar ötürmə ilə yadda qalıb.