Parlayan ulduzun əsas dəstəkçisi bu gözəlçədir – FOTO

Antuan Semenyo karyerasında yeni mərhələyə qədəm qoyaraq rəsmən “Mançester Siti” klubuna transfer olunub və İngiltərə təmsilçisi ilə 2031-ci ilə qədər nəzərdə tutulan uzunmüddətli müqavilə imzalayıb. Allsport.az xəbər verir ki, qanalı hücumçu bu əlamətdar hadisəni qeyd etmək üçün “Etihad” stadionunda sevgilisi Cordin Bakli ilə bir araya gəlib.

Məlumat üçün bildirək ki, Semenyo 2025-ci ilin noyabrında, münasibətlərinin beşinci ildönümündə Cordin Bakliyə evlilik təklifi edib. Londonda fəaliyyət göstərən model və influenser olan Cordin, futbolçunun karyerası boyu onun ən böyük dəstəkçilərindən biri olub və mütəmadi olaraq oyunları stadiondan izləyir. C.Bakli eyni zamanda sahibkarlıq fəaliyyəti ilə də məşğuldur. O, gözəllik texniki olmaqla yanaşı, artıq üç ildir uğurla fəaliyyət göstərən “Jrose Nailbar” dırnaq xidməti brendinin sahibidir.

Gənc model Semenyonun “Mançester Siti”dəki yeni macərasında da onun yanında olaraq uğurlarında mühüm rol oynamağa davam edir.