Pley-off yekunlaşdı: Kimlər 1/8 finala yüksəldi?

Fevralın 26-da Avropa liqasının pley-off mərhələsinin cavab oyunları keçirilib və bununla da turnirin 1/8 finalına vəsiqə qazanan bütün komandalar müəyyənləşib.

Allsport.az xəbər verir ki, pley-off mərhələsinin nəticələrinə əsasən, “Ferensvaroş” (Macarıstan), “Panatinaikos” (Yunanıstan), “Selta” (İspaniya), “Ştutqart” (Almaniya), “Nottingem Forest” (İngiltərə), “Bolonya” (İtaliya), “Lill” (Fransa) və “Genk” (Belçika) növbəti mərhələyə adlayıblar.

Onlar 1/8 finalda liqa mərhələsinin nəticələrinə görə birbaşa vəsiqə qazanmış aşağıdakı klublarla qarşılaşacaqlar:

• “Portu” (Portuqaliya)
• “Braqa” (Portuqaliya)
• “Betis” (İspaniya)
• “Midtyulland” (Danimarka)
• “Frayburq” (Almaniya)
• “Roma” (İtaliya)
• “Lion” (Fransa)
• “Aston Villa” (İngiltərə)

Turnirin bu mərhələsinin püşkatma mərasimi bu gün, fevralın 27-də UEFA-nın Nyon şəhərindəki (İsveçrə) iqamətgahında keçiriləcək.