Premyer liqada 30-cu mövsümün mükafatlandırma mərasimi keçiriləcək

Bu gün premyer liqada sayca 30-cu mövsümün mükafatlandırması olacaq. Allsport.az saytı xəbər verir ki, XXVIII turun “Qarabağ” – “Neftçi” görüşündən sonra, “Azərsun arena”da Ağdam klubuna çempionluq kuboku və qızıl medal, “ağ-qaralar”a gümüş mükafat təqdim olunacaq.

Bu mövsümün 3-cüsü “Zirə” olacağı halda, kluba medal eyni gündə veriləcək. Bu yerin sahibi “Qəbələ” olacaqsa, mükafatlandırma qarşıdakı günlərdə keçiriləcək.

“CBC Sport” telekanalı vasitəsilə canlı yayımlanacaq mərasimdə turnirin bombardirinin də mükafatlandırılması nəzərdə tutulur.