Qəbələdə şəhid övladları üçün yay düşərgəsi

Peşəkar futbol liqası, “YAŞAT” fondu və “Badamlı” şirkəti tərəfindən Qəbələdə şəhid övladları üçün yay düşərgəsinə start verilib.

Allsport.az xəbər verir ki, tədbir tərəflər arasında cari ilin 8 may tarixində bağlanmış müqaviləyə əsasən reallaşdırılır.

Düşərgədə 8-12 yaş aralığında 30 şəhid övladı iştirak edir.

1 İyun – uşaqların beynəlxalq müdafiəsi gününə həsr olunan layihə 5 iyun tarixinədək davam edəcək. Əsas məqsəd şəhid övladlarına diqqət və qayğının artırılması, onlarda sağlam həyat tərzinin təbliğidir.

Torpaqlarımızın azadlığı uğrunda canlarından keçmiş vətən övladlarının yadigarlarının xoş vaxt keçirmələrinə, onların istirahət etməsinə, tarixi-coğrafi yerlərlə tanışlıqlarına, yeni məkanlar kəşf etmələrinə nail olmaq əsas hədəflərdir.