Forgot Password New Account
Gəzən xəbər

Qadın şahmatçılarımız reytinqdə irəlilədi

Şahmat
2 dekabr 2019 / 18:11 Baxış sayı: 150

Beynəlxalq şahmat federasiyası dekabr ayı üçün reytinq siyahısını açıqlayıb. 

Allsport.az xəbər verir ki, kişilərin reytinqində Azərbaycan şahmatçılarından 5-i 100-lüyə düşüb.

Daha 2 pillə geriləyən Şəhriyar Məmmədyarov 2772 xalla 7-ci, 1 pillə geriləyən Teymur Rəcəbov isə 2765 xalla 10-cudur. Qədir Hüseynov isə 6 pillə irəliləyib və 2666 xalla 77-cidir. 11 pillə irəliləyən Nicat Abbasov 2663 xalla 82 yerdə qərarlaşıb. Yenidən 100-lüyə daxil olan Rauf Məmmədov isə 2659 xalla 89-cudur.

Qadınlardan isə 3 şahmatçı 100-lükdə yer alıb. Günay Məmmədzadə 2455 xalla 27-ci, Ülviyyə Fətəliyeva 23 pillə irəliləyərək, 2387 xalla 76-cı, Gülnar Məmmədova 19 pillə irəliləyərək, 2386 xalla 78-ci pillədə qərarlaşıb.

Əvəzində Xanım Balacayevə və Ülviyyə Fətəliyeva 100-lüyü tərk edib. Fətəliyeva 23, Məmmədova 19, Məmmədzadə 11 pillə irəliləyib. Bu, Azərbaycanın qadınlardan ibarət komandasının Gürcüstanın Batumi şəhərindəki Avropa çempionatında bürünc medal qazanması ilə əlaqədar olub.

Həmin kateqoriyadan