“Qarabağ” 4 oyun keçirəcək

“Qarabağ”ın Avstriyada keçiriləcək təlim-məşq toplanışındakı yoxlama oyunlarının vaxtı və rəqibləri müəyyənləşib.

Allsport.az xəbər verir ki, Ağdam təmsilçisi Zell-Am-Seenin Kaprun bölgəsində 4 sınaq matçına çıxacaq.

İyulun 7-də keçiriləcək ilk görüşdə rəqib Xarkov “Metallist”i olacaq.

Yerli vaxtla: 17:30 | Bakı vaxtı ilə: 19:30

İyulun 11-də “Qarabağ” “Tvente” ilə iki oyuna çıxacaq:

1-ci oyun – 15:00 (Bakı vaxtı ilə 17:00)

2-ci oyun – 17:15 (Bakı vaxtı ilə 19:15)

İyulun 15-də toplanışın son matçı “Zalsburq”a qarşı olacaq.

Yerli vaxtla: 18:00 | Bakı vaxtı ilə: 20:00

Qarşılaşmaların hamısı Kaprun stadionunda baş tutacaq.

Komandamız hazırlığa iyunun 18-də Bakıda start verib və iyulun 2-dən 16-dək Avstriyada təlim-məşq toplanışı keçirəcək.