“Qarabağ” bizdən istəkli idi və çox üstün oynadı”

“Araz-Naxçıvan”ın baş məşqçisi Elmar Baxşıyev “Qarabağ”a 0:2 hesabı ilə məğlub olduqları Azərbaycan Premyer Liqasının XXXIV tur oyunundan sonra mətbuat konfransında iştirak edib.

Allsport.az xəbər verir ki, 44 yaşlı mütəxəssis oyunla bağlı çox danışa bilməyəcəyini qeyd edib: “Çox zəif oynadıq. “Qarabağ” bizdən istəkli idi və çox üstün oynadı.

İki oyunumuz qalıb. Düşünürəm ki, həmin oyunlara daha düzgün yanaşacağıq. Hər şey özümüzdən asılıdır. Çalışacağıq toparlanaq və məqsədimizə çataq”.